﻿Zabur 103
I POMINTAAN DUA DO MONORIMA KASIH

(Pemimpin)
O ginavo-ku, pangarazou di Tuhan

(Jemaat)
O koposizan-ku, pangarazou di ngaran Dau dot osusi.

(Pemimpin)
O ginavo-ku, pangarazou di Tuhan

(Jemaat)
Om kadan-no poolingai i kinoponulungan Dau.

(Pemimpin)
Nakada-no Dau i sokoviai i kasalaan-ku

(Jemaat)
Nengkod-no Dau i sokoviai it oruol-ku

(Pemimpin)
Natanggung-no Dau i koposizan antad sid kobinasaan.

(Jemaat)
Napakazan-oku-no Dau di kovosihan om kosianan Dau.

(Pemimpin)
Nosukup-no Dau i kenginan-ku

(Jemaat)
Nemvoguvan-no Dau i kansang-ku iadko i ombolog bugang.

(Pemimpin)
I Tuhan mongimbulai di katapatan om kabanaran sid sokoviai it ongoulun di kukudomuson.

(Jemaat)
Nokentahan-no laid Dau sid di Musa it oumba Dau dino.

(Pemimpin)
Om it ongoulun dit Israil, nga nokemot-no kavi di nagama Dau.

(Jemaat)
Asamod om avasih i Tuhan

(Pemimpin)
Alanut iosido om ogumu o kovosihan Dau.

(Jemaat)
I hungot Dau okonko sid penlaid

(Pemimpin)
Om i pajal Dau nga okonko sampai said kopupusan do riniba

(Jemaat)
I gama do Kinoringan monuli okonko isusui di kasalaan tokou

(Pemimpin)
Om amu posuli iosido di karaatan tokou.

(Jemaat)
Sabap iadko kasavato ditit avan antad sid tana

(Pemimpin)
O kogozoo di kovosihan Dau di panaud dit ongoulun di sumuhut.

(Jemaat)
Iadko i kosoduo do kosilahon antad sid kotonobon

(Pemimpin)
O gama do Kinoringan pensodu di karaatan tokou.

(Jemaat)
Iadko kosomoko dit ama sid anganak dau

(Pemimpin)
O kobinsianan di Kinoringan sid ongoulun di sumuhut sid Dau.

(Jemaat)
Sabap elaan-no gima di Tuhan i buatan tokou

(Pemimpin)
Om andaman di Tuhan dot i tokou iadko lisovu

(Jemaat)
Sabap it umul do riniba iadko sakot

(Pemimpin)
Om iadko it ongovusak sid govuton.

(Jemaat)
Tu otongus-no di barat dot alasu, atanus-no i vusak

(Pemimpin)
Sampai aso-not andaman Dau dino.

(Jemaat)
Topot ong i kovosihan di Tuhan dino, amu engkod sampai penlaid.

(Pemimpin)
Om i kabanaran Dau nga atantu sampai sid muaki.

(Jemaat)
Ino-no i sokoviai it ulun di sumuhut di janji do Kinoringan.

(Pemimpin)
Om it ongoulun di mongohondom di pinonuhuan do Kinoringan sid saralom di gagamaon dioti.

(Jemaat)
I Tuhan kiogomon dot opihot sid surga

(Pemimpin)
Om i karajaan Dau nga mangahatul sid pentongkop.

(Jemaat)
Ot ongomalaikat, pangarazou-kou-no di Tuhan.

(Pemimpin)
Suhuto-no dikou i kovosihan Dau.

(Jemaat)
Ot ongomononsiou, pangarazou-kou-no di Tuhan

(Pemimpin)
Ot ongouripon di Tuhan, suhuto-no dikou i kenginan Dau.

(Jemaat)
O vinangun, pangarazou-kou-no di Tuhan, sid siombo-nopo o karajaan Dau.

(Semua)
O ginavo-ku, pangarazou-no di Tuhan.

